Kung ikaw may ginabatyag
Kag kung ikaw gakasubo
Kung ikaw gahibion
Kag wala na madangatan
Ano pabala ang kabuhi mo sa kalibutan?
Ayhan ikaw ging tuga sa pag antos
O ikaw mismo ang nag tugot
Kag wala kana bala mahimo?
Ano nalang imo padangatan?
Pano nalang kabuhi mo sa kalibutan?
Maga antos kanalang bala sa kadulom!
Kay ikaw wala na sing maagom
Indi ka magpahigad utod ko
Mag bugtaw ka kag mag padayon sa pag panglakaton
Kay akon abaga sa imo matibong
Kung ikaw ara na sa ital-ital sa pag panumdom
Ari lang ako sa pagbulig sa imo
Indi ka magduhaduha kay ako masaligan mo
Dako man o gamay nga problema dala mo
Abaga ko mahibian mo.
Pwedi ka kahibi sa atubang ko.
Kay kamot ko masalud sa mga luha mo
Indi ka mahuya kay kita parepareho
Mataas man o manubo ang paglantaw nila sa imo.
Bahala ka kung ano man ang ginadumdum mo?
Basta ako magabulig lang sa imo
Kay amo lang ina ang mahimo ko
Ang mag hatag sang maayo nga halambalon sa imo
Pwedi mo matawag pangalan ko
Kay pwidi kaman mangin barkada ko
Hambal kalang kay ako mapa oo
Kay ikaw dugang naman sa mapabugal ko
Akon handom bukal sa tagipusoon ko
Mangin maayo lamang pangamuyo ko
Nga sa pag hibi mo sa abaga ko
Tani ikaw man mahibian ko
Kung grabi gid ang problema mo
Mas dako pa ang problema ko
Kay ang mga gina buligan ko
Ginatalikdan lang ako
Tani indi ka isa sa ginatumod ko
Kay indi ko gusto mag lain boot ko
Maging matuod kalang sa kaugalingon mo
Sigurado ikaw magustoan ko
Indi lang ako pag tiruha patalikod
Kay mas masakit ang pag antos
Prangkaha lang ako kung ako indi mo gusto
Kay ina pagabatunon ko
Tanan kita may lain-lain nga gusto
Kag lain-lain nga paino-ino
Pero isa lang ang mahambal ko
Salig lang sa kaugalingon mo
Panumduma kung pano mag pilit ang GLU.
Kay amo ako sina magpangga sa barkada ko
Kung yanda ikaw ang bag`o sa barkada ko
Tani abaga mo ibulig mo?
Maayo nga barkada matibong sa imo
Indi mag talikod bisan ano pa gina pangatubang mo
Pero mas mayo nga magsalig ka sa GINOO
Kay siya amo ang maluluwas mo.
0 comments:
Post a Comment