EDUKASYON MAGAHATAG KAAYO SA ATON

Edukasyon isa kapundasyon nga gina tukod para sa aton

Isa kapagasulondan nga dapat gid pangatubangon

Mabudlay man ini pero dapat gid naton sundon

Kay ini lamang ang magahatag sing kayo sa aton

Sa sulod sang madamo nga tinion sang aton pag eskwela

Pang adlaw-adlaw nga leksiyon gina pangatubang ta

Sa aton nga iskor kita gakabalaka, kung bala pasar kita.

Tungod sa kabudlay sang exam nga gina hatag sang maestro kag maestra

May kasubo man kag kasadya ang mabatyagan ta

Apang ara gid ang pag palangga sa isa kag isa

Kay ang pag binuligay ang maga hatag pag laom nga makapasar kita

Isa ka mapabugal nga batasan ta

Sa edukasyon Makita mo ang kasanag sang imo nga handom

Mabudlay man ini pero may kasiguraduhan nga maangkon

Tungod man sa bulig sang imo nga kaugalingon

Kag sa bulig man sang mahal nga makaako sa aton

Gani utod ko indi mo pag usikan ang imo nga tiyempo

Kay basi matingala ka pag bugtaw mo

Maantos kana kay tungod ging pabay`an mo

Ang edukasyon nga tama ka importante sa aton

Ang kabudlay ara gid ina permi

Ikaw nalang ang bahala mag diskarte

Kay sa ulihi kasadya naman kag kalipay ang imo dangaton

Gani yanda palang imo nga handom, may kasanag nga palaaboton

Tama gidman ang hambal ni nanay kag tatay sa akon

Nga ang edukasyon akon gid permi panumdumon

Kay ini na ang magahatag sang kabuhi nga akon nahandom

Kag yanda akon na gina laom.

Tungod sa edukasyon natagaan importansiya ang akon kaugalingon

Wala sang kahadlok nga gina pangatubang

Kay kabalo mag intindi kag mag panumdom

Indi matunto bisan ni sin o

Gain utod ko, unaha anay ang pag eskwela mo

Kay ini magahatag sang kaayo sa imo

Panumduma ang maayo mga bwas damlag mo

Yanda utod ko himoon mo.